"නෑඹුල් තෙල්" යන වචනය යොදා ගැනෙන්නේ, යම් පලතුරක හෝ ගෙඩියක ඇති පෝෂණ ගුණ එලෙස ම ආරක්ෂා කරමින් තෙල් සිඳගත් විටයි. උදාහරණයකට, පලා වර්ගයක් හෝ එළ්වලු ඉහළ උෂ්ණත්වයේ පිසගත් විට විටමින්, ප්රති-ඔක්සිකාරක ආදිය නැති වී, පෝෂකයන්ගේ ප්රමාණයන් මඳක් වෙනස් වීම දැක්විය හැක.
කොප්පරා පොල්තෙල් ද හොඳ පොල්තෙල් විශේෂයක් මුත්, භයානකකම ඇත්තේ, ප්රමිතියකින් තොර නිෂ්පාදනාගාර තුළ, ඉතා අධික උෂ්ණත්වවලට රත් වීමත්, තෙල් කර වූ පසු, මඩ මෙන් දුඹුරු පැහැ ඉවත් කිරීමට හා කර ගන්ධය ඉවත් කිරීමට රසායනයන් භාවිතය නිසයි. තව ද ඉතා අධික උෂ්ණත්වයකට රත් වීමේන් බෙන්සොපයිරින් නමැති පිළිකා කාරකය තෙල් වල ඇති වේ (මෙය එළ්වළු තෙල්, කුකින් ඔයිල් ඕනෑ ම තෙල් වර්ගයකට පොදු කරුණකි )
භෞතීයව පිරිපහදු (RBD) කිරීම යනු, කිසිදු රසායනයකින් තොර ව, සක්රීය කාබන්, ලුණු වතුර, හුමාලය, තාපය යොදා ගනිමින් ඕනෑම පොල්තෙල් වර්ගයක් පිරිසිදු කිරීමයි. එය හරියට, තැනින් තැනින් එකතු කළ වතුර, රත් කර, නටවා, අඟුරු කැබල්ලක් එකතුකර, පෙරා, බීමට සුදුසු තත්වයකට පත් කිරීමක් වැනි ය. මෙමගින් පිළිකා කාරක ආදිය ඉවත් වී "බැදුම්වලට සුදුසු" පිරිසිදු තෙලක් සකසයි. විශේෂ සෞඛ්යය ප්රතිලාභ හෝ හිසකෙස්, සම පෝෂණයක් ගැන කිසිත් කීමට නොහැක.
බාල වර්ගයේ පාම් තෙල්, කිසිසේත් ආහාරයට නුසුදුසු කර්මාන්ත තෙල් කළවම් කිරීම ගැන කතා කර ඵලක් නැත.
විකුණුම් මිල (ලාභය සමඟ සිල්ලර මිලක්) ගැන දළ අදහසක්;
1. සුදු මදයෙන් පමණක් සිඳගත් නෑඹුල් පොල්තෙල් - ලීටරයක් සෑදීමට පොල් ගෙඩි 14ක් වැය වේ = රු 1000/=
2.සම්පූර්ණ මදයෙන් ම (සුදු මදය හා කුරුට්ට ) සිඳගත් නෑඹුල් පොල්තෙල් හෙවත් සෙක්කු පොල්තෙල් - ලීටරයක් සෑදීමට පොල්ගෙඩි 10ක් වැය වේ = රු 800/=
3. කොප්පරා පොල්තෙල් (සුදු පොල්තෙල්) හෝ පිරිපහදුකළ පොල්තෙල් - ලීටරයක් සෑදීමට කොප්පරා කිලෝ 2ක් වැය වේ. = රු. 600/=
No comments:
Post a Comment